Լոննի Դեւիդ Ֆրանկլին կրտսերը մեղավոր է ճանաչվել 9 կնոջ եւ մեկ աղջկա սպանության համար, որոնք նա կատարել է 10 տարում: Սերիական մարդասպանը, որն աղբատարի վարորդ եւ Լոս Անջելեսի ոստիկանության ավտոտնակի ծառայող է աշխատել, Կալիֆորնիայի ամենասարսափելի սերիական մարդասպաններից մեկն է դարձել, հայտնում է Americaru-ն:
Երդվյալներին երկու օրից էլ պակաս ժամանակ է անհրաժեշտ եղել Ֆրանկլինի դատավճիռն արձակելու համար: Նա The Grim Sleeper մականունը ստացել է սպանությունների միջեւ մեծ ընդմիջման հետեւանքով. այն մոտ 13 տարի է տեւել: Բացի այդ, 1988-ին մի կին ողջ է մնացել նրա հարձակումից հետո: Նա սպանել 1988-ից մինչեւ 2007 թվական:
Դատավճռի կայացման ժամանակ աֆրոամերիկացի Ֆրանկլինը նայել է ուղիղ իր դիմաց եւ լռել է մի քանի րոպե: Սպանվածների ընտանիքի անդամները ջանացել են զսպել ուժեղ հույզերը եւ իրար տխուր շնորհավորել են ամեն «Մեղավոր է»-ի հետ:
Մայիսի 11-ից Կալիֆորնիայի նահանգի Գերագույն դատարանը կորոշի պատիժը մարդասպանի համար: Այդ գործընթացում կարող են հանդես գալ The Grim Sleeper-ի հարձակումների երկու զոհ. 1988-ին ողջ մնացած աղջիկը եւ կինը, որին նա փորձել է առեւանգել եւ բռնաբարել Գերմանիայում` ԱՄՆ-ում զինվորական ծառայության ընթացքում, 1970-ականներին:
Ֆրանկլին Պրինսես Բերտոմյուի ամենաերիտասարդ զոհն ընդամենը 15 տարեկան էր: Ֆրանկլինը գործել է որպես սեքսուալ առեւանգիչ, որը սպանել է իր զոհերին, հետո մարմինները նետել է որպես աղբ: Ոստիկանությանը հաջողվել է բոլոր հանցագործություններն իրար կապել միայն 2010-ին` ԴՆԹ-ի թեստի օգտագործման շնորհիվ:
