Թուրքիայի վարչապետ, իշխող «Արդարություն եւ զարգացում» կուսակցության նախագահ Ահմեդ Դավութօղլուի հրաժեշտի ելույթից հետո կուսակցության վերնախավը հերթով չեղյալ է հայտարարում կամ հետաձգում այն միջոցառումներն ու հանդիպումները, որոնք նախատեսված էին Դավութօղլուի մասնակցությամբ։
Թուրքական Cumhuriyet-ի փոխանցմամբ՝ Թուրքիայի նախագահը փաստորեն մինչեւ մայիսի 22-ը չի էլ համբերել եւ արդեն նրա հրահանգով Ահմեդ Դավութօղլուին հեռացնում են ցանկացած քաղաքական կամ հասարակական գործունեություններից։
Նշվում է, որ Դավութօղլուն զրկվել է նաեւ խորհրդարանական խմբակցության ժողովներ անելու հնարավորությունից, իսկ նրա մասնակցությամբ առաջիկա միջոցառումները կմ չեղյալ են հայտարարվել կամ հետաձգվել են մայիսի 22-ից հետո։
Նշենք, որ Թուրքիայի վարչապետ Ահմեդ Դավութօղլուն մայիսի 5-ին հայտարարեց իր հեռանալու մասին։ Փորձագետները շեշտում են, որ Դավութօղլուն հեռացվել է նախագահ Էրդողանի ճնշման տակ։