Վարչապետ Հովիկ Աբրահամյանի գլխավորությամբ կառավարությունում տեղի է ունեցել Հայաստանի Հանրապետության կայուն զարգացման ազգային խորհրդի հերթական նիստը:
Օրակարգային առաջին հարցով խորհրդի քարտուղար, «Հանուն մարդկային կայուն զարգացման ասոցիացիա» ՀԿ-ի նախագահ Կարինե Դանիելյանը խորհրդին է ներկայացրել «ՀՀ-ում ՄԱԿ-ի «ՌԻՈ+20» գագաթաժողովի հանձնարարականների իրականացման ռազմավարության՝ «Մինչեւ 2030թ. Կայուն զարգացման օրակարգ» համաշխարհային ծրագրի համատեքստում մշակված հայեցակարգը: Մասնավորապես, հայեցակարգով նախատեսվում են կայուն զարգացմանն ուղղված միջոցառումներ ու ծրագրեր այլընտրանքային էներգետիկայի եւ էներգախնայողության, գյուղատնտեսության, զբոսաշրջության, կրթության, բնապահպանության, թափոնների, ջրային ռեսուրսների կայուն կառավարման եւ այլ ոլորտներում: Նշվել է, որ հայեցակարգը մշակվել է՝ հաշվի առնելով ՄԱԿ-ի «Ռիո+20» գագաթնաժողովի հանձնարարականները, ինչպես նաեւ ՀՀ-ում կայուն զարգացման տեսակետից բազմակողմանի ուսումնասիրությունները, հիմնախնդիրներն ու մարտահրավերները: Հայեցակարգն արժանացել է խորհրդի հավանությանը եւ ընդունվել ի գիտություն:
Հարգելի պարտադիր ժամկետային զինծառայողների ընտանիքներ,
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՆ իջեցնում է Ձեր գործող կամ նոր տրամադրվող սպառողական վարկերի տոկոսադրույքը:
Շնորհակալ ենք, Հա´յ Զինվոր ...
ԱՄԵՆ ԲԱՆ ԼԱՎ Է ԼԻՆԵԼՈՒ
Այնուհետեւ ՀՀ արտաքին գործերի նախարար Էդվարդ Նալբանդյանը հանդես է եկել ՄԱԿ-ի «Կայուն զարգացման նպատակների» վերաբերյալ զեկույցով, ներկայացրել ՄԱԿ-ի գլխավոր ասամբլեայի 70-րդ հոբելյանական նստաշրջանի շրջանակում տեղի ունեցած հատուկ նստաշրջանի քննարկումների արդյունքները: ՀՀ ԱԳ նախարարը նշել է, որ քննարկումների ժամանակ երկրների ղեկավարների մակարդակով ամփոփվել է 2000 թվականին ընդունված «Հազարամյակի զարգացման նպատակներ» ծրագիրը եւ ընդունվել «Վերափոխելով մեր աշխարհը. Կայուն զարգացման օրակարգ–2030» ծրագիրը: Ըստ նախարարի՝ «Հազարմյակի զարգացման նպատակներ» ծրագրի ամփոփումը ցույց է տվել, որ իրենց առջեւ դրված նպատակներին ՄԱԿ-ի անդամ երկրներն ամբողջովին հասնել չեն կարողացել, իսկ իբրեւ հիմնական խոչընդոտ նշվել է 2009 թվականի համաշխարհային տնտեսական ճգնաժամը: Էդվարդ Նալբանդյանը նշել է, որ թեեւ ճգնաժամը չի շրջանցել նաեւ Հայաստանը, սակայն համաձայն ՄԱԿ-ի Ասիական եւ Խաղաղօվկիասնոսյան տարածաշրջանի տնտեսական հանձնաժողովի վերլուծության՝ Հայաստանն այս տարիների ընթացքում տարածաշրջանի 22 երկրների թվում կառավարության ծախսային մասում սոցիալական ապահովությանն ուղղված հատկացումների աճի առումով զբաղեցրել է առաջին տեղը՝ 21 տոկոս աճով: Նույն ցանկում Ադրբեջանը զբաղեցրել է վերջին հորիզոնականը: ՀՀ ԱԳ նախարարի խոսքով՝ արդյունավետ ու նպատակային ծախսերը կարեւոր գործոն են եւ միշտ չէ, որ ռեսուրսների առկայությունը որոշիչ է:
Ամփոփելով օրակարգային երկու հարցերը՝ վարչապետ Հովիկ Աբրահամյանը նշել է. «Ուրախ եմ փաստել, որ այս համատեքստում Հայաստանն առաջ է բազմաթիվ երկրներից, սակայն դեռեւս շատ անելիքներ կան: Այժմ մենք պետք է հնարավորինս արագ սկսենք ու ավարտենք կայուն զարգացման նպատակների ու թիրախների տեղայնացման գործընթացը՝ մշակելով համապատասխան չափորոշիչները»: Վարչապետը հանձնարարել է բոլոր պետական գերատեսչություններին՝ այս աշխատանքները համարել առաջնահերթ ու ամբողջությամբ աջակցել համապատասխան աշխատանքային խմբի գործունեությանը:
Օրակարգի վերջին հարցով խորհուրդը հավանություն է տվել «Հայաստանի համայնքների միություն» հասարակական կազմակերպության ղեկավար Էմին Երիցյանին խորհրդի կազմում ընդգրկելու առաջարկությանը: Աշխատանքների թափանցիկության եւ արդյունավետության բարձրացման առումով վարչապետ Աբրահամյանը կարեւորել է հասարակական կազմակերպությունների ներկայացուցիչների ներգրավվածությունը խորհրդի կազմում: