Թուրքական Cumhuriyet պարբերականի խմբագիր Ջան Դյունդարը մայիսի 6-ին դատարանի դիմաց հայտարարություն անելու ընթացքում զինված հարձակման է ենթարկվել։

Թուրքական Cumhurıyet-ի փոխանցմամբ՝ Cumhuriyet-ի խմբագիր Ջան Դյունդարը եւ Անկարայի թղթակից Էրդեմ Գյուլը մայիսի 6-ին մասնակցել են իրենց դեմ դատական նիստին։  Դատական նիստի ընդմիջմանը Ջան Դյունդարը լրագրողների համար հայտարարությունէ  արել, երբ մի տղամարդ բղավել է «հայրենիքի դավաճան» ու ատրճանակով երկու կրակոց արձակել։

Կրակելու հետեւանքով վիրավորվել է NTV-ի թղթակիցը։  Զինված տղամարդուն ձերբակալել են։

Նշենք, որ Ջան Դյունդարին ու Էրդեմ Գյուլին դատում են Էրդողանի հրահանգով, քանի որ նրանք համարձակվել են բացահայտել ու ապացուցել, որ Թուրքիայի հատուկ ծառայությունները զենք են ուղարկում Սիրիայի ահաբեկիչներին։