Սփյուռքի նախարար Հրանուշ Հակոբյանը տվել է Սփյուռքում հայ լինելու իր սահմանումը: Այսօր` սեպտեմբերի 29-ին կայացած ասուլիսում հարցին, թե Սփյուռքում ո՞վ հայ կոչվելու իրավունք ունի, արձագանքել է. «Մեզ համար հայ է այն մարդը, ով իրեն հայ է զգում։ Լեզուն, կրոնը, ծագումը կարեւոր չէ, կարեւորը զգացողությունն է»: Ի դեպ, ասուլիսին, տեսակամուրջի միջոցով հետեւում էին բազմաթիվ սփյուռքահայեր։ Հ. Հակոբյանի տեղեկացմամբ՝ այդ հարցը հաճախ է հնչում տարբեր ամբիոններից եւ տարբեր երկրներում, ուստի պարզաբանման կարիք ուներ։
