ԵԱՀԿ գործող նախագահ, Գերմանիայի ԱԳ նախարար Ֆրանկ-Վալտեր Շթայնմայերը հանդես է եկել ղարաբաղյան հակամարտության շուրջ հայտարարությամբ: Դրանում, մասնավորապես, ասված է.
«Շփման գծում իրադրությունը շարունակում է լարված մնալ: Ես խորապես ցավում եմ վերջին զոհերի հետ կապված եւ կողմերին կոչ եմ անում լիարժեք հետեւել հրադադարի պահպանման ռեժիմին:
Այս համատեքստում ես ողջունում եմ ԵԱՀԿ Մինսկի խմբի համանախագահ երկրների՝ Ռուսաստանից, ԱՄՆ-ից եւ Ֆրանսիայից իմ գործընկերների նախաձեռնությունը, որոնք մայիսի 16-ին հանդիպում անցկացրեցին Հայաստանի եւ Ադրբեջանի նախագահների հետ: Ինձ ոգեշնչում է հրադադարին եւ հակամարտության խաղաղ կարգավորմանը հավատարմության մասին երկու նախագահների հավաստումը, ինչպես նաեւ հունիսին բանակցությունների նոր փուլ սկսելու նրանց պատրաստակամությունը:
Գերմանիան, որպես 2016թ. ԵԱՀԿ-ում նախագահող երկիր, ամբողջությամբ սատարում է համանախագահների հետ աշխատանքը: Մենք նաեւ աշխատանք կտանենք անձնական ներկայացուցիչ Անջեյ Կասպրշիկի թիմի ընդլայնման ուղղությամբ:
Ապրիլին բռնության սրացումը հիշեցում դարձավ այն մասին, որ փակուղուց դուրս գալու համար կրկնակի, մշտական ջանքեր են անհրաժեշտ»: