Հուլիսին Վարշավայում նախանշված գագաթաժողովի ժամանակ ՆԱՏՕ-ն կճանաչի Վրաստանի արձանագրած առաջընթացը եւ կրկին կհաստատի, որ պատրաստ է շարունակել երկրին գործնական օգնություն ցուցաբերել: Այս մասին մայիսի 18-ին հայտարարել է ՆԱՏՕ-ի գլխավոր քարտուղար Յենս Ստոլտենբերգը:
«Հավատում եմ, որ հուլիսին ՆԱՏՕ-ի գագաթաժողովը կճանաչի այն առաջընթացը, որին Վրաստանը հասել է, եւ հերթական անգամ պատրաստակամություն կհայտնի Վրաստանին քաղաքական եւ գործնական աջակցություն ցուցաբերելու հարցում»,- հայտարարել է նա:
«Մենք կշարունակենք պաշտպանել սեփական որոշումներն ընդունելու՝ Վրաստանի իրավունքը, կշարունակենք աշխատել բարեփոխումների ուղղությամբ եւ Վրաստանին կօգնենք ՆԱՏՕ-ին անդամակցության ճանապարհին»,- Ստոլտենբերգի խոսքերն է մեջբերում Գրուզիա Online-ը: