Google ընկերությունը Մաունթին Վյու (Կալիֆորնիայի նահանգ) քաղաքում I/O մամուլի ասուլիսին ներկայացրել է Android Wear օպերացիոն համակարգի երկրորդ տարբերակը, որի կառավարմամբ աշխատում են ձեռքի ժամացույցները: Ընկերությունը միջոցառման ուղիղ հեռարձակում է իրականացրել պաշտոնական կայքում:
Android Wear 2.0-ով սարքերի աշխատանքում առանցքային նորույթ կդառնա նրանց` առանց սմարթֆոնի, հավելվածներ գործարկելու, ինչպես նաեւ Wi-Fi-ին եւ բջջային ցանցերին ինքնուրույն միանալու կարողությունը:
Մշակողների խոսքով, նոր հավելումը սարքին թույլ կտա ավելի սեւեռուն կերպով հետեւել իր սեփականատիրոջ առողջությանը եւ աշխատել հաղորդագրությունների հետ: Ի հավելումն դրա, օպերատիվ համակարգում ստեղնաշար է հայտնվել, որը թույլ է տալիս բառեր մտցնել մատի մեկ հպումով:
Android Wear 2.0-ում օգտատերը կկարողանա թվացույցի վրա տեղեկություններ դուրս բերել ցանկացած հավելվածից, որը ապահովվում է խելացի ժամացույցի կողմից: Օպերացիոն համակարգի թողարկումը նախատեսված է 2016-ի աշնանը, հայտնում է lenta-ն:
Android Wear-ի առաջին տարբերակը հայտնվել է 2014-ի գարնանը: Նրա կառավարմամբ են աշխատում ձեռքի ժամացույցների տասնյակ մոդելներ, մասնավորապես` Moto 360-ը, LG G Watch-ը եւ Huawei Watch-ը: