Ուկրաինան եւ Վրաստանը վաղ թե ուշ կվերադառնան ԱՊՀ-ի կազմ, պետք է այդ երկրներին «հրավիրել», հայտնել է Բելառուսի նախագահ Ալեքսանդր Լուկաշենկոն Մինսկում ԱՊՀ-ի երկրների Անվտանգության եւ հատուկ ծառայությունների մարմինների խորհրդի պատվիրակության ղեկավարների հետ հանդիպմանը:
«Ես վստահ եմ, որ Ուկրաինան եթե ոչ այսօր, ապա վաղը կգա մեզ մոտ: Նա այստեղ շատ հետաքրքրություններ ունի: Կարծում եմ, որ Վրաստանն էլ: Պետք է այնպես անել, որ նրանք վերադառնան:
Միաժամանակ Բելառուսի նախագահի կարծիքով, անհրաժեշտ է «ոչ թե պարտադրել նրանց, այլ կանչել»: «Մենք չպիտի կորցնենք այդ հանրապետությունները», — ընդգծել է բելառուս առաջնորդը, հայտնում է «ՌԻԱ Նովոստին»:
Նա նաեւ ընդգծել է ԱՊՀ-ի զարգացման կարեւորությունը որպես բացառիկ ինտեգրացիոն եւ բանակցային հարթակի, հանդես է եկել համագործակցության աշխատանքի արդիականացման օգտին: Նրա խոսքով, անհրաժեշտ է ԱՊՆ-ն ավելի ուժեղ եւ գրավիչ դարձնել մասնակից պետությունների համար, հարմարեցնել ժամանակակից իրողություններին: