LinkedIn ընկերությունում պատմել են, որ 2012 թվականին հաքերը կայքի 117 մլն օգտատերերի գաղտնաբառեր է գողացել: Այս շաբաթ «Peace» կեղծանունով հաքերն ապօրինի գնումների համար նախատեսված The Real Deal կայքում գաղտնաբառերը վաճառքի է հանել:
Նախկինում նույն անձը 300 դոլարով վաճառել էր պոռնո-կայքերի միլիոնավոր օգտատերերի գաղտնաբառերը: Հիմա արդեն նա LinkedIn-ի 117 մլն օգտատերերի գաղնաբառերի համար ավելի մեծ գումար է պահանջում՝ 2200 դոլար:
Ըստ AmericaRU-ի, LinkedIn-ի ներկայացուցիչը հավաստել է, որ ընկերությունն ուսումնասիրում է հարցը եւ կապ հաստատում տուժած օգտատերերի հետ: