Հիմա չի կարելի շեղվել գժտությունների ուղղությամբ ու այս կամ այն բառից կառչել: Այս մասին մայիսի 20-ին ԱԺ ավանդական ճեպազրույցում ասել է ՀԱԿ խմբակցության ղեկավար Լեւոն Զուրաբյանը:
«Դուք հիմա ասում եք՝ ո՞վ է խոսել 800 հա տարածքի մասին ու ինչու: Բայց հիմա այլ առաջնահերթ հարցեր կան:Հայաստանի ու Լեռնային Ղարաղաի գոյության հարցը կա, ու ցավոք դա ոչ ոք չի հասկանում: Մենք կոչ ենք անում համախմբվել պետականության ու անվտանգության շուրջ ու մենք անում ենք դա»,- ասել է ընդդիմադիրը: Մյուս կողմից էլ, Զուրաբյանի խոսքով, պետք է հասկանալ, որ Հայաստանի պետական համակարգը հիվանդ է ու կոռումպացվախ: Սա խանգարում է որպես պետություն ուժեղանալուն: Հենց դրա համար էլ ազատ ու արդարացի ընտրությունների անցկացումը առաջնային կարեւորությոն է ստանում:
