Ըստ երեւույթին Ռուսաստանը կա՛մ հրաժարվում է, կա՛մ զգուշանում է այն գերակա դիրքորոշումից, որ նա ունի Կովկասում, մասնավորապես, Ղարաբաղյան հարցում: Այս մասին, այսօր՝ մայիսի 20-ին, լրագրողների հետ հանդիպման ժամանակ նշել է Արտակարգ եւ լիազոր դեսպան Արման Նավասարդյանը՝ անդրադառնալով Վիեննայում Հայաստանի եւ Ադրբեջանի նախագահների հանդիպմանը:
Նրա խոսքով, Ռուսաստանի այդ դիրքորոշման պատճառն արտաքին քաղաքական գործոններն են:
Արման Նավասարդյանը դրական է համարում, որ ԼՂ խնդրում Մինսկի խմբի համանախագահող երեք երկրներ միջեւ կոնսենսուս գոյություն ունի, ինչը չկա այլ հակամարտությունների պարագայում:
Անդրադառնալով Վիեննայի հանդիպմանը նա նշեց. «Ես չափավոր լավատես եմ. ոչ շատ ոգեւորված եմ, ոչ էլ վատատես եմ այդ հանդիպումից: Իհարկե, բանակցությունն ավելի լավ է, քան պատերազմը, բայց արդյոք պատերազմը եւ Ադրբեջանի ռազմական գործողությունները կդադարե՞ն: Մեր նպատակը պետք է լինի Ղարաբաղի ներգրավումը բանակցություններին, առանց որի տանուլ կտանք, իսկ հաջորդ քայլը կարող է լինել ճանաչման հարցը»:
Հարցին, թե Վիեննայի հանդիպումից Հայաստանը շահած դուրս եկավ, թե Ադրբեջանը, Նավասարդյանը պատասխանեց, որ դիվանագիտության մեջ երբեն չպարտվելն էլ է հաղթանակ:
