ԵՏՄ վարչապետերը ընդունել են մինչեւ 2025 թ. նավթի ու նավթամթերքի ընդհանուր շուկաներ ձեւավորելու հայեցակարգը, հայտնել է Ռուսաստանի Էներգետիկայի փոխնախարար Անատոլի Յանովսկին:
Այսօր Երեւանում կայացած ԵՏՄ միջկառավարական խորհրդի նիստի ժամանակ կառավարությունների ղեկավարները քննարկել են այդ թվում ընդհանուր շուկաների ձեւավորման հայեցակարգի ընդունմանը վերաբերող հարցերը:
Հայեցակարգի նախագիծը ենթադրում է, որ ընդհանուր շուկայում նավթի ու նավթամթերքի առեւտուրն իրականացվելու է երկկողմանի պայմանագրերով ու բորսայում, ընդհանուր շուկայի մասնակիցների միջեւ հաշվարկների ապահովման հարցերում միասնական գործունեություն է լինելու եւ նավթի ու նավթամթերքի փոխադրման համակարգերի, նավթի պահեստների օպերատորների հետ փոխգործակցություն:
Ընդհանուր շուկայում ստեղծվելու են պայմաններ արդյունավետ ոչ խտրական առեւտրի համար, վերացվելու են բորսա դուրս գալու խոչընդոտները, ապահովվելու է սպառման, արդյունահանման, փոխադրման, մատակարարման, նավթի ու նավթամթերքների վերամշակման մասին տեղեկությունների փոխանակություն, բարձրացվելու է նավթի ու նավթամթերքի գնագոյացման թափանցիկությունը:
Ընդհանուր շուկան ենթադրում է, որ փոխառեւտրի մեջ քանակական սահմաափակումներ ու մաքսատուրքեր չեն կիրառվելու, Համագործակցության մասնակից երկրներին նավթով ու նավթամթերքով ապահովելը առաջնային է լինելու ու նավթային շուկայի տեխնոլոգիական ենթակառուցվածքի գործունեության վերաբերյալ ազգային կանոնները ու նորմերը ներդաշնակեցվելու են :
Ռուսաստանի վարչապետ Դմիտրի Մեդվեդեւի խոսքով այս փաստաթուղթը անհրաժեշտ է որպեսզի «արդեն միջնաժամկետ հեռանկարում՝ մինչեւ 2025 թ. մենք ունենանք միասնական շուկա՝ հասկանալի կանոններով, աշխատանքային սկզբունքներով»: «Դրանում բոլորս ենք շահագրգռված»,- ասել է Մեդվեդեւը: