Այս տարվա հունվար-ապրիլին անցած տարվա նույն ժամանակահատվածի համեմատ տնտեսական ակտիվության ցուցանիշը (ՏԱՑ) աճել է 6 տոկոսով, իսկ միայն ապրիլին ՏԱՑ-ի աճը 6,8 տոկոս է կազմել: Այս մասին են վկայում ՀՀ ազգային վիճակագրական ծառայության երեկ հրապարակած տվյալները:
Ըստ ԱՎԾ տվյալների, ոլորտային տեսանկյունից ամենաբարձր աճը արձանագրել է արդյունաբերությունում` ապրիլի կտրվածքով 13.2 տոկոս, իսկ տարվա սկզբից` 10 տոկոս: Մյուս ոլորտներում աճերը ավելի համեստ են` գյուղատնտեսությունում` 5.4 տոկոս, ծառայությունների ոլորտում` 7.6 տոկոս եւ այլն:
Իսկ ահա շինարարության ոլորտում անկումը այս տարվա ապրիլին նախորդ տարվա ապրիլի համեմատ արդեն հասել է 16.5 տոկոսի, իսկ 4 ամսվա կտրվածքով՝ 7,4 տոկոսով:
