BMW ընկերությունը «Նրբագեղության մրցույթին» (Concorso d'Eleganza Villa d'Este) ներկայացրել է 02 Series մոդելի պատվին ստեղծված 2002 Hommage կոնցեպտը: Այդ ավտոմեքենան շուկա էր դուրս եկել կես դար առաջ, այն Եվրոպայի առաջին մեքենան էր, որը ունեցել է տուրբոշարժիչ:
BMW 2002 Hommage-ի վրա աշխատող դիզայներների առաջնահերթ խնդիրն է եղել կոնցեպտում ռետրո մոդելին բնորոշ գծերի պահպանումը: Ըստ լույսի ուղղության ավտոմեքենային թափքը փոխում է իր գույնը՝ ֆլուօրեսենտային կապույտից սկսած մինչեւ մոխրագույն, ինչը լրացուցիչ խորություն ու դինամիկա է հաղորդում: Ռադիատորի ճաղավանդակը նույնպես այն կարեւորագույն տարրերից է, որը կապակցում է տարբեր դարաշրջանների ավտոմեքենաները՝ կոնցեպտում այն ասես մի քիչ առաջ է թեքված՝ «հոբելյարի» նման:
Ընկերությունը չի հայտնել թե ինչ շարժիչ է տեղադրված BMW 2002 Hommage-ում, բայց կարելի է վստահաբար սել, որ դա տուրբինացված շարժիչ է:
