Գիտնականները վերծանել են հին եգիպտական պապիրուսները, որոնք գրվել էին մոտավորապես 1700 տարի առաջ եւ հայտնաբերել են, որ դրանցում մի շարք կախարդական խոսքեր կան, հայտնում է Gazeta-ն` վկայակոչելով Live Science պորտալին:
Խոսքը օքսիրինհական պապիրուսների մասին է` ձեռագրերի, որոնք հայտնաբերվել են Կահիրեից 160 կմ դեպի հարավ-արեւմուտք: Եգիպտագետները վերլուծել են երկու պապիրուսը եւ պարզել, որ դրանցում այնպիսի կախարդանքներ են, որոնք իբր օգնում են հմայել տղամարդուն կամ կնոջը: Գիտնականների խոսքով, դժբախտ սիրուց տառապող եգիպտացիներին անհրաժեշտ էր նաեւ մոգական ծես կատարել, հակառակ դեպքում «կախարդանքը չէր ազդի»: Ճիշտ է, հետազոտողները դժվարանում են ասել, թե իրենցից ճշգրիտ ինչ էին ներկայացնում այդ ծեսերը: Եգիպտագետները հայտնում են, որ մոգական խոսքերի ընթերցումը զուգակցվում էր ոգիների աշխարհից արարածների կանչելով, որոնք օգնում են հպատակեցնել տղամարդուն կամ կնոջը:
Բացի այդ, պապիրուսներում գրված էր, որ գրավչության ավելացման համար եւ տղամարդկանց, եւ կանանց խորհուրդ է տրվում հնարավորինս շատ աղավնու ձու ուտել, որը ցանկահարույց լավ միջոց էր համարվում: