Թուրքիայի նոր վարչապետ Բինալի Յլդըրըմը Ազգային հետախուզության պետ Հաքան Ֆիդանից ազատվելու ճանապարհներ է փնտրում։ Այս մասին տեղեկացնում է թուրքական Cumhuriyet պարբերականը։
Ըստ աղբյուրի՝ դեռեւս 2014-ին, երբ իշխող կուսակցության համագումարում որոշվում էր կուսակցության նախագահի թեկնածուի հարցը, Բինալի Յըլդըրըմը ավելի շատ է մոտ եղել, սակայն Հաքան Ֆիդանը կարողացել է նրան չեզոքացնել՝ բացելով Դավութօղլուի ճանապարհը։
Նշվում է, որ Բինալի Յըլդըրըմի ազգականների հետ կապված կաշառակերության սկանդալը, Կազինոյում որդու լուսանկարները մամուլին տրամադրվել է հենց Հաքան Ֆիդանի ցուցումով։
Բինալի Յլըդըրըմը ծանր կացության մեջ է հայտնվել, քանի որ չգիտի թե ինչպես ազատվի Հաքան Ֆիդանից, քանի որ իշխող կուսակցությունից նրա պես գործչի հեռանալն ու միանալը նախկինում կուսակցությունից հեռացվածներին, լրջորեն կվտանգի իշխանությունների անվտանգությանը։