Հայաստանում ԵՏՄ մասնակից երկրների վարչապետերի հանդիպումը ցույց տվեց, որ հարաբերությունները կարծես վճռորոշ փուլ են մտնում: Այս մասին մայիսի 23-ին մամուլի ասուլիսին ասել է Վարդան Բոստանջյանը:
Նրա խոսքով Հայաստանը ցույց է տվել, որ պոտենցիալ հնարավորություններ ունի: «Եվ մենք բոլորս կցանկանայինք, որ այդ հնարավորությունները դրսեւորվեին ԵՏՄ-ին անդամակցության հենց առաջին փուլում: ԵՏՄ շրջանակներում մեր հնարավորությունները չափազանց մեծ են՝ դա պայմանավորված է նաեւ Եվրասիական միության մյուս մասնակից երկրների պահանջներով»,- շեշտել է Բոստանջյանը:
Հիշեցնենք, որ մայիսի 20-ին ԵՏՄ երկրների կառավարությունների ղեկավարները Երեւանում ԵՏՄ Միջկառավարական խորհրդի նիստ են անցկացրել:
