Գազալցակայանի աշխատակցի առողջությանը ծանր մարմնական վնաս պատճառելու դեպքի առթիվ հարուցվել է քրեական գործ:
Ըստ Քննչական կոմիտեի տարածած հաղորդագրության՝ 2016թ. մայիսի 21-ին՝ ժամը 21-ի սահմաններում, Վանաձոր քաղաքի բնակիչն այլ անձանց հետ «Մերսեդես-Բենց» մակնիշի ավտոմեքենայով ժամանել է Լոռու մարզի Գարգառ գյուղում գտնվող գազալցակայան եւ վիճաբանել գազալցակայանի 2 աշխատակիցների հետ, որի ընթացքում ձեռքերով հարվածներ է հասցրել՝ նրանցից մեկին պատճառելով ծանր մարմնական վնաս:
Դեպքի առթիվ հարուցվել է քրեական գործ Քրեական օրենսգրքի 112-րդ հոդվածի 1-ին մասի հատկանիշներով:
Կատարվում է նախաքննություն:
