Հունիսին Բունդեսթագը մտադիր է որոշում անցկացնել, որը դատապարտում է անցյալ դարի սկզբին հայերի ջարդերը` դրանք բնութագրելով որպես «ցեղասպանություն»: Դա Թուրքիայի նախագահ Ռեջեփ Թայյիփ Էրդողանի կատաղությունն առաջ կբերի: Այդ մասին գրում է Deutsche Welle-ն:
Պարբերականի կարծիքով, երկուշաբթի մայիսի 23-ին Էրդողանի հետ հանդիպմանը Գերմանիայի կանցլեր Անգելա Մերկելը կբախվի նրա կատաղի հակազդեցությանը Օսմանյան կայսրությում էթնիկ հայերի նկատմամբ հանցագործությունները Բունդեսթագում «ցեղասպանություն» անվանելու կոալիցիայի պլանների պատճառով: «Առաջին անգամ պահպանողական Քրիստոնյա-Դեմոկրատական Միությունը (ՔԴՄ, CDU) եւ Քրիստոնյա-Սոցիալիստական Միությունը (ХСС, CSU), ձախ կենտրոնամետ Սոցիալ-դեմոկրատները եւ «Կանաչները» նպատակաուղղված են որոշումը պաշտոնական դարձնելու», - նշում է հեղինակը:
Բունդեսթագի նախագահ Նորբերտ Լամմերը եւ Գերմանիայի նախագահ Իոակիմ Հաուկը, նշված է հոդվածում, արդեն օգտագործել են «ցեղասպանություն» եզրույթը, ինչն Անկարայի բողոքն է առաջացրել:
Բունդեսթագի կայքը հայտնում է, որ հունիսի 2-ին կքննարկվի «101 տարի առաջ հայերի եւ քրիստոնյա այլ փոքրամասնությունների ցեղասպանության հիշողությունը եւ հիշատակումը» նախագիծը: «ՔԴՄ-ՔՍՄ-ի խորհրդարանական մամուլի քարտուղարը հաստատել է, որ որոշման տեքստը պատրաստ է եւ այն նախապատրաստվել է առնվազն երեք աշխատանքային խմբի կողմից: Այնուամենայնիվ, հունիսի 2-ի հռչակագրի վերաբերյալ անվանական հայտարարություն չի լինի: Դա նշանակում է, որ խորհրդարանի անդամները պարտավոր չեն լինի ներկա լինել Բունդեսթագի նիստին», - ասված է հոդվածում: Բունդեսթագի անդամները քննարկելու են ձեռքը բարձրացնելով: «Կարող են խնդիրներ առաջանալ Անկարայի հետ: Բայց Բունդեսթագը չպետք է թույլ տա, որ Էրդողանի նման բռնակալը շանտաժի իրեն», - նշել է Գերմանիայի Կանաչների կուսակցության համանախագահ Ջեմ Օզդեմիրը:
ՔԴՄ-ՔՍՄ-ի արտաքին քաղաքականության նախագահ Ֆրանց-Յոզեֆ Յունգը եւ ՔՍՄ-ի մարդու իրավունքների կոմիտեի նախագահ Բերնդ Ֆաբրիտիուսը, հեղինակի խոսքով, ընդգծել են այն, որ Գերմանիան այս հարցով պատմական պարտավորություններ ունի: Այժմ Գերմանիան, ընդգծված է հոդվածում, մտադիր է պաշտոնապես ներողություն խնդրել Օսմանյան կայսրությանը ռազմական աջակցության համար: «Հաննովերում Գերմանա-հայկական ընկերակցության նախագահ Րաֆֆի Կանտիյանը հույս ունի, որ այդ ներողությունը եզրափակիչ տեքստի մաս կկազմի, որը հավանության կարժանանա հունիսի 2-ին: Առայժմ դա անորոշ է, սակայն Ձախ կուսակցությունը եւ Կանաչները պահանջել են, որպեսզի ոչ միայն օգտագործվի «ցեղասպանություն» տերմինը, այլեւ Գերմանիան ներողություն խնդրի», - նշված է հոդվածում: