Շրի Լանկայի կառավարությունը վերջերս տեղի ունեցած սողանքների եւ ջրհեղեղների վնասի չափը գնահատում է 2 մլրդ դոլար։ Այս մասին հայտնել է երկրի ֆինանսների նախարար Ռավի Կարունանայակեն, փոխանցում է «ՌԻԱ ՆՈվոստի»-ն։
Անցյալ շաբաթ Շրի Լանկայում մոլեգնել էր Ռաունու տրոպիկական փոթորիկը։ Հեղեղներից եւ սողանքներից զոհվել է 92 մարդ։ Տարերքից տուժել է 500 հազար մարդ, մոտ 200 հազարը շարունակում է ժամանակավոր կացարաններում ապրել։ Անհետ կորած է համարվում ավելի քան 100 մարդ։
Ֆինանսների նախարարը նշել է, որ նյութական վնասը գնահատվում է 2 մլրդ դոլար։ Նրա խոսքով՝ դա 2004-ի դեկտեմբերին ցունամիից հետո ամենախոշոր աղետն էր։