Ռուսաստանի ԱԳ նախարար Սերգեյ Լավրովն ու ԱՄՆ պետքարտուղար Ջոն Քերրին մայիսի 23-ին կայացած հեռախոսազրույցում քննարկել են Սիրիայում գործող ահաբեկչական խմբավորումների դեմ համատեղ գործողությունների անցկացումը: ՌԴ ԱԳՆ մամուլի ծառայության փոխանցմամբ, զրույցը կայացել է ամերիկյան կողմի նախաձեռնությամբ:
Ուշադրության կենտրոնում է եղել նաեւ թուրքական սահմանով զինյալների տեղաշարժն ու զենքի տարանցումը:
Քննարկվել են նաեւ պաղեստինա-իսրայելական խնդրի կարգավորման գործընթացին աջակցության հարցում միջազգային հանրության ջանքերի ակտիվացման հնարավորությունը: