Աշխարհի ամենագեր մոդելի մոդել Թեսս Հոլիդեյի լուսանկարը Facebook–ում արգելվել է: Ընկերությունը պատճառաբանել է իր որոշումը նրանով, որ այդ լուսանկարը խախտում է սոցցանցի քաղաքականությունը հրապարակվող լոսանկարների գեղագիտական չափանիշների հարցում, հայտնում է The Sun–ը:
155 կիլոգրամանոց 30-ամյա ամերկուհու լուսանկարը եղել է ավստրալական ֆեմինիստական Cherchez la Femme կազմակերպության գովազդարշավի մի մասը: Թեսսի լուսանկարը պետք է օգներ ակտիվիստ կանանց Feminism and Fat անվանումով միջոցառման գովազդին:
Հոլիդեյի լուսանկարը չի հեռացվել, սակայն Cherchez la Femme–ին հնարավորություն չեն տվել իր գովազդը սոցցանցում տարածել Facebook Ads գործիքի օգնությամբ: Ակտիվիստ կանանց խորհուրդ են տվել փոխել լուսանկարը:
Մոդերատորները Cherchez la Femme–ի ներկայացուցիչներիչն բացատրել են որ Facebook–ում արգելված է տարածել խոշոր պլանով նկարված ճարպի, ցելյուլիտի ու ֆիզիկական այլ ակնհայտ թերությունների (օրինակ անորեքսիկ նիհարության) պատկերներ:
Cherchez la Femme ակտիվիստները բողոքել են բաժանորդներին Facebook –ի որոշումից: Շատ օգտատերեր իրենց վրդովմունքն են հայտնել Հոլիդեյի լուսանկարի վերաբերյալ գրաքննության փաստի առթիվ:
Թեսս Հոլիդեյը նորաձեւության աշխարհի ամենագիրամարմին մոդելն է: 2015-ի հունվարին նա պայմանագիր է ստորագրել Milk Model Management հեղինակավոր մոդելային գործակալության հետ: Հիմա մոդելը հղի է ու սպասում է իր երկրորդ երեխային:
