ԱՄՆ-ում ու մեծ Բրիտանիայում տասնյակ դպրոցներ են փակվել կամ տարհանվել հեռախոսով ստացված պայթյունների սպառնալիքների պատճառով, հայտնում է NBC–ը՝ վկայակոչելով իրավապահ մարմինները:
Իշխանությունները հազարավոր դպրոցականների են տարհանել : Նշում են, որ ԱՄՆ-ում սպառնալիքներ են ստացել 21 նահանգների դպրոցներ, ընդ որում դրանցից մի քանիսում հանցագործները «ականապատել են» տասական ուսումնական հաստատություններ: Ստացված հաղորդագրություններից ոչ մեկը դեռ չի հաստատվել:
Զանգերի մեծամասնությունը մեկ ընդհանրություն ուներ՝ դրանք բոլոր ավտոմատ էին: Փորձագետները առայժմ ոչ մի միասնական եզրակացության չեն հանգել՝ ոմանք կարծում են, որ դա ծրագրված ակցիա էր, մյուսները դեռ նման եզրակացություն չեն անում:
ՀԴԲ ներկայացուցիչները NBC–ին հայտնել են, որ տեղյակ են իրավիճակին ու պատրաստ են օգնել տեղական իրավապահ կառույցներին: