Հայկական բանակը մարտունակ է ու տարածաշրջանային կայունության ու անվտանգության երաշխիքն է: Այս մասին մայիսի 24-ին մամուլի ասուլիսի ժամանակ հայտնել է «Միդիա շանգալ» եզդիների ազգային միավորման ղեկավար Ամո Շարոյանը:
Ցավոք, նրա խոսքով, այս տարածաշրջանը միշտ լարված է եղել: «Ընդհանուր առմամբ մենք՝ Հայաստանում ապրող եզդիներս, Հայաստանի լիիրավ քաղաքացիներ ենք, իսկ հայրենիքի պաշտպանությունը մեր սահմանադրական պարտականությունն է, որը մենք կատարում ենք: Փառք ու պատիվ մեր զինծառայողներին, անկախ նրանց ազգությունից, որ նրանք կանխեցին հակառակորդի սադրանքը ապրիլին»,- շեշտել է Ամո Շարոյանը: