Beeline-ը հայտարարում է Beeline Smart 7 սմարթֆոնի վաճառքի մեկնարկի մասին: Սմարթֆոնի արժեքը 22900 դրամ է, որը ներառում է մեկ ամիս բաժանորդագրություն «Smart Հատուկ» սակագնային փաթեթին եւ 5000 ՄԲ ծավալով բջջային ինտերնետ 6 ամիս ժամկետով:
Սմարթֆոնը պատկանում է բյուջետային մոդելների շարքին, ունի գրավիչ դիզայն եւ աշխատում է Android 5.1 օպերացիոն համակարգով: Հեռախոսն ունի 4-միջուկային պրոցեսոր, 2 տեսախցիկ` 5 եւ 1,3 մեգապիքսել հզորությամբ եւ 4 դույմանոց էկրան:
«Beeline-ն ընդլայնում է բյուջետային հեռախոսների տեսականին, որոնք գնային առումով հասանելի լինելով, միաժամանակ համապատասխանում են օգտագործողների մեծ մասի պահանջներին: Մեր նոր սմարթֆոնը բջջային ինտերնետի օգտագործման հնարավորությամբ հետ այն դարձնում է ավելի հասանելի, իսկ Beeline ծառայություններից օգտվելը` ավելի պարզ եւ հարմար», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Նշենք, որ «Smart Հատուկ» սակագնային փաթեթը 1500 դրամ բաժանորդային վարձի դիմաց տրամադրում է ամսական անսահմանափակ ներցանցային զանգեր, 1 ԳԲ ծավալով բջջային ինտերնետ առանց արագության սահմանափակման եւ 100 տեղական SMS-հաղորդագրություն:
