Երեւանի մետրոյին 2015-ին 2 մլրդ 452 մլն դրամ է հատկացվել (ընթացիկ փոխարժեքով մոտ 5,1 մլն, խմբ.): Այդ մասին հայտնել է Երեւանի առաջին փոխքաղաքապետ Կամո Արեյանը, խորհրդարանական հանձնաժողովների համատեղ նիստին հանրապետության 2015-ի բյուջեի իրականացման հաշվետվության ընթացքում:
Տրոլեյբուսային պարկին («Երեւանյան էլեկտրատրանսպորտ» ՓԲԸ) սուբսիդիան կազմել է 590,7 մլն դրամ:
2015-ին շարունակվել է մետրոպոլիտենի արդիականացումը Զարգացման եւ Վերակառուցման Եվրոպական Բանկի 2-րդ դրամաշնորհային ծրագրերի միջոցների հաշվին: Երկրորդ ծրագրի շրջանակում, ինչպես եւ առաջինի, երեք դոնորներից յուրաքանչյուրը 5-ական մլն եվրոյի դրամաշնորհ կհատկացնի: 2012-ին ստորագրված ծրագիրը ներառում է կաբելային ցանցի վերանորոգում, դրենաժային թունելի վերանորոգում եւ նորի կառուցում: