News
Լրահոս
News
Ուրբաթ
Մարտ 29
Տեսնել լրահոսը


Մայիսի 23-ին Երևանում մոլեգնած փոթորկից տուժել է Չարբախում գտնվող՝ Երևանի N 115 ավագ դպրոցը: Դպրոցի մասնաշենքերից մեկի տանիքն ամբողջությամբ պոկվել և ընկել է դպրոցի բակում, ինչպես նաև հարակից տների բակերում և տանիքներին՝ վնասելով նաև մեքենաներ։

Դպրոցի տնօրեն Գոհար Անտոնյանը NEWS.am-ի հետ զրույցում նշեց, որ իրենք ԿԳ նախարարությանը տեղեկացրել են դեպքի մասին, և այսօր առավոտյան երեխաներին տուն են ուղարկել՝ ժամանակավորապես դադարեցնելով դասերը:

ԱԻՆ աշխատակիցներին նախօրեին միայն վտանգներն են չեզոքացնել, բայց դպրոցում այժմ դաս անցկացնել հնարավոր չէ: 

 «Դիմել ենք ԿԳ նախարարությանը, և կփորձենք նախարարության, թաղապետարանի և մեր դպրոցի անձնակազմի համատեղ ուժերով լուծել բակի մաքրման և վերանորոգման հարցերը»,- ասաց տնօրենը:

Դպրոցի տանիքի պոկվելու հետեւանքով հատկապես տուժել է հարակից տներից մեկը: Տանիքից պոկված թիթեղներն ընկել են տան տանիքին՝ վնասելով այն: Բացի այդ, կտրվել են հոսանքի լարեր, և տունը արդեն 24 ժամից ավելի հոսանքազրկված է, վնասվել է օդատարը: Տան արտաքին պատերը և պատուհանները ևս որոշ չափով վնասվել են: Տանտիրուհին՝ Նաիրա Վարդանյանը, նշեց, որ չունի բավարար միջոցներ՝ տանիքը վերանորոգելու համար:

Նա դիմել է քաղաքապետարան, թաղապետարան և ԿԳ նախարարություն, սակայն հստակ պատասխան չի ստացել:

24 ժամից ավելի հոսանքազրկված տան բնակիչները չգիտեն, թե երբ է ՀԷՑ-ը վերականգնելու պոկված հոսանքալարերը:

«Զանգում եմ էլեկտրացանց, տեսուչին, մեկը մեկի վրա գցելով՝ ասում են՝ դեռ մի օր ա անցել, սպասեք, կգան»,- ասաց տիկին Նաիրան՝ նշելով, որ այսօր արդեն հերթական զանգի ժամանակ տեսուչը կոպտել է իրեն, թե՝ հերիք է անհանգստացնեք:

«Մենք գիտենք, որ դպրոցի տանիքը նոր է վերանորոգված եղել. ինչո՞ւ պիտի պոկվեր եւ այսպիսի վնաս հասցներ բնակչին» -, ասաց տիկին Նաիրան:

!
Այս նյութը հասանելի է նաև   English
Տպել
Կարդացեք նաև
Ամբողջը
«Վանաձոր» քրեակատարողական հիմնարկի 17 ծառայողների նկատմամբ կիրառվել են կարգապահական տույժեր
ՀՀ ԱՆ «Վանաձոր» քրեակատարողական հիմնարկում կատարված ստուգողական...
«Ով է անմեղ մարդկանց «գլխին գործ սարքում». «Մեդլայնի» գործով «Թոքաբանության ազգային կենտրոնի» բաժնի վարիչն արդարացվել է
Գրառումնս ընդունել, որպես հաղորդում հանցագործության մասին...
Ոստիկանության Նոր Նորքի բաժին ներխուժելու դեպքով խուզարկություններ են անցկացվում շուրջ 40 վայրերում
ՀՀ ՆԳՆ Ոստիկանության Երևանի վարչության Նոր Նորքի բաժին մի խումբ անձանց…
Ճապոնիայում կարմիր բրնձի սննդային հավելումներ ընդունելուց հետո 680 մարդ ցանկություն է հայտնել բժշկի դիմել
Այս պահին գիտենք, որ 114 մարդ հոսպիտալացված է...
Թմրամոլության և ապօրինի թմրաշրջանառության դեմ Երևանի պարեկների պայքարի աչքի ընկած դրվագները
Մարտի 11-ին, կեսգիշերից քիչ անց, մայրաքաղաքի Անդրանիկի փողոցում ծառայելիս…
Հորը բռնության ենթարկելու, հարևանուհիներից մեկին սպանելու համար մեղադրվող տղամարդուն մեղադրանք է առաջադրվել
Նախաքննությունը շարունակվում է, պարզվում են նշված դեպքերի և դրանց նպաստած բոլոր հանգամանքները...
Ամենաշատ