Ռուսաստանի արտգործնախարար Սերգեյ Լավրովը հայտնել է, որ Ռուսաստանը պատրաստ է համակարգել ջանքերը ԱՄՆ ղեկավարած կոալիցիայի ու Սիրիայում քրդական աշխարհազորի հետ՝ Ռաքքան ազատագրելու համար, հայտնում է «Ինտերֆաքսը»:
«Ռաքքան, ինչպես եւ Իրաքի Մոսուլ քաղաքը ահաբեկչական կոալիցիայի նպատակներից մեկն է: Մենք վստահ ենք, որ այդ բնակավայրերը կարելի է ավելի արագ ու արդյունավետ ազատագրել, եթե մեր զինվորականները ավելի շուտ սկսեին համակարգել իրենց գործողությունները»,- ասել է Լավրովը:
Նա նշել է, որ հիմա կա հնարավորություն, որ «նման համակարգումը կկայանա»:
«Մենք առաջնորդվում ենք նրանով, որ Ռուսաստանի ուժերը ու ԱՄՆ ղեկավարած կոալիցիայի ավիացիան պետք է սինխրոն աշխատեն, համակարգված ու օգնեն նրանց, ովքեր ներքեւում են՝ երկրի վրա, դիմակայել ահաբեկչական ջոկատներին: Նախեւառաջ խոսքն իհարկե Սիրիական արաբական հանրապետության զինված ուժերի մասին է ու քրդական աշխարհազոի զանազան խմբերի, այդ թվում Դեմոկրատական միություն կուսակցության զինված թեւի»,- ասել է Լավրովը: