Ղազախստանի լրագրողների միության ղեկավար, Ազգային մամուլի ակումբի նախագահ Սեյթքազը Մատաեւի նկատմամբ խոշոր յուրացումների մեղադրանքով հարուցված քրեական գործը վերաորակավորվել է վստահության չարաշահման հոդվածի: Այս մասին հայտնել է նրա պաշտպանության հանրային կոմիտեն:
Մատաեւը եւ նրա որդին՝ ԿազՏԱԳ գործակալության գլխավոր խմբագիր Ասեթ Մատաեւը, մեղադրվում են բյուջեից հատկապես խոշոր չափի յուրացումների եւ հարկերից խուսափելու մեջ: Սեյթքազը Մատաեւը փետրվարի 24-ից տնային կալանքի տակ է: Ասեթ Մատաեւը մարտի 28-ից տնային կալանքի տակ էր: Նրանք երկուսն էլ հերքում են մեղադրանքները, փոխանցում է RIA Novosti-ն: