Ինչպես է տրամադրվելու կամավորականների կարգավիճակը ու որ դեպքերում՝ կորոշվի ապագա քննարկումների արդյունքում: Այս մասին մայիսի 25-ին Աժ-ում հայտարարել է աշխատանքի ու սոցիալական հարցերի նախարար Արտեմ Ասատրյանը՝ ելույթ ունենալով Աշխատանքային օրենսգրքում փոփոխությունների նախագծի քննարկումների ժամանակ: Այդ փոփոխությունները վերաբերում են երկիրը պաշտպանող կամավորականների աշխատատեղերի պահպանման երաշխիքներին:
Նրա խոսքով, անհրաժեշտ կլինեն որոշակի ընթացակարգեր, ու այդ կարգավիճակը չի կարող ավտոմատ տրամադրվել: Բոլոր շահագրգիռ գերատեսչությունների հետ պետք է քննարկվի, թե ինչպես է ստուգվելու յուրաքանչյուր առանձին դեպքը ու ինչպես է որոշվելու՝ ով է կամավորական ու ով կարող է օգտվել աշխատանքային երաշխիքներից:
