Երևանի Կենտրոն և Նորք Մարաշ վարչական շրջանների ընդհանուր իրավասության դատարանում, մայիսի 24-ին, միջադեպ է տեղի ունեցել:
Դատավոր Գագիկ Պողոսյանի նախագահությամբ ԱԺ ԲՀԿ խմբակցության պատգամավոր, գործարար Գուրգեն Արսենյանի թիկնապահին դանակահարելու գործով դատական նիստի ժամանակ ամբաստանյալներից Գարիկ Բաբախանանը միջադեպ է հրահրել: Նա իր մոտ եղած կրակայրիչով վնասել է ձախ ձեռքի դաստակը։ Երբ ուղեկցող ոստիկաններն ու կարգադրիչները փորձել են կանխել ինքնավնասումը, մյուս ամբաստանյալներից Հակոբ Բոյաջյանը տեղից վեր է կացել եւ փորձել է հարվածել կարգադրիչներին: Ամբաստանյալները հարվածել են նաեւ ոստիկաններից մեկին:
Դատական կարգադրիչները ձեռնաշղթաներ են հագցրել նրանց:
Հաջորդ դատական նիստը նշանակվել է հունիսի 22-ին: