Գյուղատնտեսությունում պետծախսերը 2015-ին կատարվել են 100 տոկոսով: Այդ մասին մայիսի 25-ին հայտնել է Հայաստանի ֆինանսների փոխնախարար, գլխավոր գանձապետ Ատոմ Ջանջուղազյանը խորհրդարանական հանձնաժողովների համատեղ նիստին հանրապետության 2015-ի բյուջեի իրականացման վերաբերյալ հաշվետության քննարկման ընթացքում:
Նրա խոսքով, ընդհանուր առմամբ նախատեսված էր ոլորտային 22 ծրագիր` 13 մլրդ դրամ գումարի (ընթացիկ փոխարժեքով մոտ 27 մլն դոլար) կամ մոտավորապես այնքան, որքան 2014-ին: Ծախսերը կատարվել են 100,6 տոկոսով, հաշվի առնելով, որ արտաքին ծրագրերով ավելի շատ միջոց էր ստացվել, քան ակնկալվում էր:
Գյուղատնտեսության նախարարության Սննդային անվտանգության պետական ծառայության ծրագրերը (2,1 մլրդ դրամի 11 ծրագիր) իրականացվել են 96 տոկոսով: