Բաքվից հայտնել են արտգործնախարարի պատրաստակամության մասին` հանդիպելու ԵԱՀԿ-ի ՄԽ-ի համանախագահների հետ:
«Ինչպես նշվել էր Վիեննայի հանդիպման ընթացքում, համակողմանի էական բանակցություններ սկսելու համար Ադրբեջանի արտգործնախարարը պատրաստ է մոտ ժամանակներս հանդիպել ԵԱՀԿ-ի ՄԽ-ի համանախագահների հետ», - այդ մասին ԱՊԱ գործակալությանը հայտնել է ԱԳՆ-ի մամուլի ծառայության ղեկավար Հիքմետ Հաջիեւը` ի պատասխան ամերիկացի համանախագահ Ջեյմս Ուորլիքի հայտարարությանն այն մասին, որ համանախագահները մտադիր են հունիսին նախագահների հանդիպումից առաջ հանդիպել Ադրբեջանի արտգործնախարարի հետ:
ԱՊԱ-ին իր հայտարարության մեջ համանախագահ Ջեյմս Ուորլիքն ասել էր, որ հունիսին նախատեսված գագաթնաժողովին նախապատրաստվելու նպատակով համանախագահները, ինչպես որ դա համաձայնեցվել էր նախագահների հանդիպման ընթացքում, հույս ունեն հանդիպել Ադրբեջանի եւ Հայաստանի արտգործնախարարների հետ:
