Երբեմն վարակիչ հիվանդություններ տարածող հատուկ տարատեսակի մոծակների ոչնչացումն առավել դյուրին է, քան առանձին քաղաքական գործիչներին բացատրելը, որ չի կարելի ռմբակոծել խաղաղ բնակչությանը, տանկով կրակել շտապօգնության մեքենայի, բժշկական հաստատությունների, դպրոցների ուղղությամբ: Այս մասին Ժնեւում, Առողջապահության համաշխարհային ասամբլեայի 69-րդ նիստի ժամանակ նշել է ասել է ՀՀ Առողջապահության նախարար Արմեն Մուրադյանը:
«Ես առաջին անգամ եմ Ժնեւում եւ Ազգային պալատի կողքով անցնելիս ինձ ցույց տվեցին հաշմանդամության դեմ պայքարը խորհրդանշող տխուր աչքերով մի տղայի արձան, ում ոտքն անդամահատված էր: Ոտքը հեռացված նման տղայի ես հանդիպել եմ նաեւ Արցախում: Սա խոսում է այն մասին, որ մենք հիմա, հենց այստեղ պետք է լուծենք համընդհանուր առողջապահական խնդիրները»,- ասել է Արմեն Մուրադյանը:
Նրա խոսքով` ԱՀԿ-ն պետք է շարունակի որոշիչ դերակատարում ունենալ միջազգային նշանակության հանրային առողջապահական խնդիրների լուծման գործում:
Հիշեցնենք, որ Ժնեւում շարունակվում է Առողջապահության համաշխարհային ասամբլեայի 69-րդ նիստը, որին որպես եվրոպական տարածաշրջանի կողմից առաջադրված փոխնախագահ մասնակցում է ՀՀ առողջապահության նախարար Արմեն Մուրադյանը:
