Բյուրեղավանի շշերի գոործարանի նախկին մի քանի տասնյակ աշխատակիցներն այսօր՝ մայիսի 25-ին, բողոքի ակցիա են իրականացրել Հայաստանի նախագահի նստավայրի մոտ՝ պահանջելով պահանջելով իրենց չվճարված աշխատավարձերը:
Նրանք նշել են, որ ամեն անգամ խոստացել են, որ կվճարեն աշխատավարձը, բայց չեն կատարել խոստումը:
Նշենք, որ գործարանն ամիսներ առաջ դատարանի որոշմամբ սնանկ է ճանաչվել՝ ունենալով մոտ 150 աշխատողներին չվճարված աշխատավարձի պարտք:
Ցուցարարների խոսքով, նախորդ բողոքի ակցիաներից հետո գործարանի ղեկավարությունը փակել է աշխատակիցների մի մասի պարտքերը, սակայն դեռեւս կան տասնյակ աշխատակիցներ, որոնց աշխատավարձը չի վճարվել:
Նշենք, որ Glass World Company ընկերությունն արտադրում է ապակյա տարաներ՝ հանքային ջրերի, լիմոնադների և այլ ըմպելիքների համար: 2014 թվականին գործարանի աշխատանքները դադարեցվել են՝ վերանորոգման պատճառաբանությամբ: 2015 թվականի մարտից գործարանը նորից աշխատել է, իսկ 5 ամիս անց կրկին որոշում է կայացվել փակել այն։