Հայաստանն ընդլայնում է բնակլիմայական պայմաններին հարմարեցված ցեղական կովերի արտահանումը: Այս մասին մայիսի 25-ին ԱԺ-ում հայտնել է գյուղատնտեսության նախարար Սերգո Կարապետյանը՝ 2015-ին հանրապետության պետբյուջեի կատարողականի մասին հաշվետվության ընթացքում՝ ԱԺ հանձնաժողովների համատեղ նիստի ժամանակ:
Նրա խոսքով՝ 2015-ին Հայաստանն արտահանել է 1065 գլուխ ցեղական խոշոր եղջերավոր անասուն, իսկ 2014-ին այդ ցուցանիշը 158 էր: Հիմնականում դրան կլիմայական պայմաններին ընտելացած եվրոպական ցեղատեսակի կովեր են, որոնք արտահանվում են Վրաստան:
«Մենք 4-5 խոշոր ֆերմա ունենք, որոնք բուծում են այդ տեսակները»,- ասել է նախարարը: Նրանց կրումը Հայաստան շարունակվում է. 2015-ին Ավստրիայից մատակարարվել էր 257 գլուխ: Այդ նպատակլով բյուջեից 791 մլն դրամ էր հատկացվել: