2016-ի սկզբից Հայաստանը մեծացրել է ոչխարի մսի եւ պանրի արտահանման ծավալները: Այս մասին մայիսի 25-ին ԱԺ-ում հայտնել է գյուղատնտեսության նախարար Սերգո Կարապետյանը՝ 2015-ին հանրապետության պետբյուջեի կատարողականի մասին հաշվետվության ընթացքում՝ ԱԺ հանձնաժողովների համատեղ նիստի ժամանակ:
Նրա խոսքով՝ 2016-ի սկզբից Հայաստանն արտահանել է 2993 տ պանիր, իսկ անցյալ տարի այդ նույն ժամանակահատվածում՝ 1110 տ: Այս պահին արդեն 240 տոննա ոչխարի միս է արտահանվել (անցյալ տարի 36 տ): Աճել են նաեւ ձկան արտահանման ծավալները՝ 580 եւ 439 տոննա համապատասխանաբար:
