Ադրբեջանի նախագահ Իլհամ Ալիեւը Չեչնիայի ղեկավար Ռամզան Կադիրովին «Զաֆար» անվանական ատրճանակ է նվիրել: Այս մասին Կադիրովը գրել է Instagram-ի իր էջում:
Ըստ ՌԲԿ-ի, Ալիեւի անունից ատրճանակը Չեչնիայի ղեկավարին է հանձնել Ադբրեջանի նախագահի աշխատակազմի ղեկավար Ռամիզ Մեհտիեւը:
Կադիրովի խոսքով, նվերը ստացել է «Ադրբեջանի եւ Ռուսաստանի Դաշնության միջեւ բարեկամական կապերի ամրապնդման գործում առանձնահատուկ ծառայություն մատուցելու համար»: Իհարկե, Չեչնիայի ղեկավարը չի նշել, թե կոնկրետ ինչ ծառայությունների մասին է խոսքը: