Տրանսպորտի եւ կապի նախարարության բակում մայիսի 16-ի տեղի ունեցած ծեծկռտուքին մասնակցելու մեջ մեղադրվող Վահան Սարգսյանը, որը ըստ հրապարակումների, Բեգլարյանի թիկնապահներից է, մասամբ է ընդունում իրեն առաջադրված մեղադրանքը: Այս մասին NEWS.am-ի թղթակցին ասաց Սարգսյանի պաշտպան Երեմ Սարգսյանը:
«Վահան Սարգսյանը չի աշխատում եւ որեւէ այդպիսի տվյալ էլ չկա, որ նա թիկնապահ է: Իմ մյուս պաշտպանյալը` Սուրեն Վարդանյանը, գրանցված է Տրանպորտի եւ կապի նախարարությունում որպես վարորդ, սակայն իր մեղավորությունը չի ընդունում»,-ասաց նա:
Գործով այլ մանրամասներ փաստաբանը չներկայացրեց` նշելով, որ նախաքննություն է ընթանում:
Նշենք, որ սույն քրեական գործի շրջանակներում Վահան Սարգսյանին, Սուրեն Վարդանյանին եւ եւս 3 անձի մեղադրանք է առաջադրվել՝ ՀՀ քրեական օրենսգրքի
Հիշեցնենք, որ այդ ծեծկռտուքի պատճառով հինգ անձ է տուժել, նրանցից մեկի վիճակը ծանր է: