Տարածաշրջանի բոլոր երկրները որոշ չափով կրում են այն քաղաքակրթության ազդեցությունը, որը կոչվում է իրանական: Այս մասին մայիսի 26-ին՝ ԵՊՀ-ում «Պարսկական գրականություն եւ պատմություն» թեմայով գիտաժողովի ժամանակ, ասել է Հայաստանում Իրանի Իսլամական Հանրապետության դեսպան Սեյեդ Քազեմ Սաջադին:
Նրա խոսքով՝ պարսիկ պոետ Սաադի ստեղծագործության կարեւոր տարր է կազմում չափավորությունը: «Չափավորություն՝ ծայրահեղականության դեմ: Ֆիրդուսին, Հաֆեզը, Նիզամին եւ շատ այլ պոետներ պատկանում են մեզ բոլորիս եւ, այլ խոսքով ասած, խաղաղության եւ բարեկամության դեսպաններ են: Հուսամ՝ նրանց օգնությամբ մենք կարող ենք նպաստել տարածաշրջանում խաղաղության հաստատմանը»,- նշել է Սաջադին:
