Ամերիկյան Apple կորպորացիայի ղեկավար Թիմ Քուքը iPhone է տեսել 17-րդ դարի հոլանդացի նկարչի կտավում:
Նախօրեին Apple-ի գլխավոր տնօրեն Թիմ Քուքը Ամստերդամում էր, որտեղ ելույթ է ունեցել Start-up Fest-ում: Միջոցառումից հետո պատասխանելով CNBC-ի թղթակիցների հարցերին` Քուքը սենսացիոն հայտարարություն է արել: Apple-ի ղեկավարին հարցրել են, թե երբ է ստեղծվել առաջին iPhone-ը, ինչին նա պատասխանել է, որ մինչեւ վերջերս համոզված էր, որ ճշգրիտ գիտե այդ հարցի պատասխանը, բայց Ամստերդամ այցից հետո նրա մոտ կասկածներ են ի հայտ եկել, որ առաջին «խնձորային» սմարթֆոնը ստեղծվել է դեռեւս XVII դարում, հայտնում է Informing-ը:
Թիմը պարզաբանել է, որ նախօրեին ինքն այցելել է Ռեյկսմյուսեում գեղարվեստի թանգարան, որտեղ տեսել է անցյալ դարերի խոշոր վարպետների կտավները: Այնտեղ Ռեմբրանդտի կտավում նա iPhone է տեսել:
Նա նույնիսկ լրագրողներին ցուցադրել է կտավի լուսանկարը, որի վրա իր կարծիքով պատկերված էր ժամանակակից սմարթֆոնի «նախանախապապը»:
«Վատ է երեւում է, բայց երդվում եմ` այնտեղ է», - ճշտել է Քուքը:
Սյուժեի եթեր դուրս գալուց հետո սոցցանցերի օգտատերերը սկսել են iPhone փնտրել Ռեյկսմյուսեումում ներկայացված նկարներում եւ գտել են այն կտավը, որի մասին խոսել էր Քուքը: Բայց Apple-ի ղեկավարը մի քիչ սխալվել է. առարկան, որն արտաքինից հիշեցնում է XXI դարում հայտնի սարքերը, պատկերված էր ոչ թե Ռեմբրանդտի կտավում, այլ մեկ ուրիշ հայտնի հոլանդական գեղանկարչի` Պիտեր դե Հոխի նկարում:
Այս կտավը, որը վարպետը նկարել է 1670-ին, կրում է «Նամակը» վերնագիրը, ինչից կարելի է եզրակացբնել, որ նրանում պատկերված տղամարդը ձեռքում ոչ թե «խնձորային» սմարթֆոն է պահում, այլ ծալած թուղթ: