Պետգնումների կայքում հրապարակվելու են պետական տենդերների մասին բոլոր կարեւոր տվյալները: Այս մասին մայիսի 26-ին Կառավարության նիստից առաջ հայտնել է վարչապետ Հովիկ Աբրահամյանը:
Պետգնումների www.gnumner.am կայքում տեղադրվում է մանրակրկիտ տեղեկություններ առավել հաճախակի գնումների մասին՝ վառելիքի, գրասենյակային ապրանքների եւ այլն: Այնտեղ նշվելու են տվյալ ամսում տվյալ ապրանքի համար նվազագույն, առավելագույն ու միջին գները, տենդերներում հաղթողների հայտերը, ու դրանց միջեւ շեղումները:
«Այս տեղեկությունը պետգնումների նկատմամբ հասարակության վստահությունը բարձրացնելու լավ միջոց է: Հանձնարարում եմ Ֆինանսների նախարարությանը մշակել ծրագրային լուծում, որը թույլ կտա տարբեր պարամետրերով ինքնուրույն որոնել անհրաժեշտ տվյալները »,- նշել է վարչապետը: