Իրանից Հայաստան են հրավիրված մասնագետներ Իրան-Հայաստան երկաթգծի կառուցման նախագծի հարցի վերաբերյալ քննարկումներ անցկացնելու համար: Այդ մասին մայիսի 26-ին հայտնել է Հայաստանում Իրանի Իսլամական Հանրապետության արտակարգ եւ լիազոր դեսպան Սեյեդ Կազեմ Սաջադին «Պարսկական գրականություն եւ պատմություն» միջազգային արեւելագիտական համաժողովի շրջանակում լրագրողների հետ զրույցում:
Դեսպանը նշել է Իրանի եւ Հայաստանի համապատասխան նախարարների վերջերս կազմակերպված հանդիպման արդյունավետության կարեւորությունը: «Հույս ունենք, որ կկարողանանք իրանական կողմի ուշադրությունը գրավել այդ նախագծին մասնակցության եւ կյանքի կոչման նպատակով», - ավելել է Սաջադին:
