Սիրիայի բանակի ջոկատները Պալմիրայի պատմահնագիտական համալիրի մոտակայքում խաղաղ բնակիչների եղբայրական գերեզման են գտել, որում տասնյակ դիակներ են եղել խոշտանգումների հետքերով: Այս մասին հայտնում է ՍԱՆԱ պետական լրատվական գործակալությունը:
Ըստ առկա տեղեկությունների՝ գերեզմանը գտել են Սիրիայի բանակի ջոկատները, որոնք մասնակցում են Պալմիրայի մոտակայքում անվտանգության հաստատման գործողություններին: Մարմինները ԻՊ գրոհայինների կողմից կտտանքների էին ենթարկված եղել: Տեղի օդանավակայանից արեւմուտք ընկած գերեզմանից հանվել է 31 դի, այդ թվում մեկ երեխայի եւ մեկ կնոջ:
Սիրիայի ոստիկանության ներկայացուցիչը հայտնել է, որ մարմինների վրա մինչեւ հիմա երեւում են ծանակման եւ խոշտանգումների հետքերը: Մի քանի մարդ գլխատված է եղել: