Հայաստանի ու ԼՂՀ-ի միջեւ փոխօգնության մասին պայմանագիրը մշակման փուլում է: Այս մասին մայիսի 26-ին հայտնել է արտգործնախարար Էդվարդ Նալբանդյանը 2015-ին պետբյուջեի կատարման մասին հաշվետվության ընթացքում՝ խորհրդարանական հանձնաժողովների համատեղ նիստի ժամանակ:
Նրա խոսքով, Հայաստանի ու ԼՂՀ-ի միջեւ փոխօգնության մասին համաձայնագրի նախապատրաստումը հանձնարարվել է Արտգործնախարարությանը ու գտնվում է մշակման փուլում, իսկ հետագա քայլերը պայմանավորված կլինեն ընթացիկ գործընթացներով ու համապատասխան գործոններով: «Ինչպես գիտեք, այդ գործընթացները բավականին բարդ են, ու հաշվի առնելով այդ ամենը՝ մեր երկրի գերագույն ղեկավարությունը Ղարաբաղի գործընկերների հետ քննարկումների արդյունքներով կհանգի եզրակացության, թե երբ է դա հնարավոր անել»,- նշել է Նալբանդյանը:
ԲՀԿ նախագահ, դրա խմբակցության ղեկավար Նաիրա Զոհրաբյանի այն հարցին, արդյոք երկրի ղեկավարությունը վաղաժամ չի համարում այս փաստաթուղթը, եթե առայժմ վաղաժամ է համարում ԼՂՀ ճանաչումը, արտգործնախարարը պատասխանել է. «Ես այս հարցում հավասարության նշան չէի դնի»:
