Միգրացիան Մեծ Բրիտանիա պատմության մեջ գրեթե առավելագույն մակարդակի է հասել, ասված է իշխանությունների վերջին հաշվետվությունում, որը հրապարակվել է ԵՄ-ից դուրս գալու հանրաքվեի նախաշեմին:
Երկիր միգրանտների ներհոսքի պատմական ռեկորդը` տարեկան 336 հազար մարդ, գրանցվել է անցյալ տարվա հունիսին: Այն ժամանակվանից երկիր է ներգաղթել 333 հազար միգրանտ, ասված է նոր հաշվետվության մեջ, հայտնում է BBC-ի ռուսական ծառայությունը:
Միգրացիայի եւ միգրանտների իրավունքների հարցը մեկն է այն խնդիրներից, որոնք Եվրոպական Միությունից Բրիտանիայից դուրս գալու մասին բանավեճերի առանցքն են կազմում:
Բրիտանիայի կառավարությունն առաջարկում է Եվրամիությունից միգրանտներին արգելել նպաստի որոշակի տեսակներ ստանալ երկրում գտնվելու առաջին չորս տարվա ընթացքում: Սակայն Եվրոպական հանձնաժողովն այդ առաջարկն արդեն խնդրահարույց է անվանել:
Ներկայումս քննարկվում է բրիտանական կառավարությանը այսպես կոչված «շտապ արգելակ» կիրառելու եւ հատուկ դեպքերում սոցիալայն ծառայություններին միգրանտների մուտքը չորս տարով սահմանափակելու իրավունք տալը:
Հանրաքվեի համար կարեւոր այլ հարցեր են, օրինակ` ֆինանսական ոլորտում Բրիտանիայի հետագա ինտեգրացիան մայրցամաքային Եվրոպային:
Եվրամիությանը Բրիտանիայի անդամակցության համազգային հանրաքվեն տեղի կունենա հունիսի 23-ին: