Քալիֆորնիական համալսարանի գիտաշխատողները պարզել են, որ վամպիրները Երկրի վրա գոյություն են ունեցել 550 մլն տարի շարունակ: Իհարկե, խոսքն ամեոբաների մասին է, որոնք սնվել են իրենց զոհերի ներքին օրգաններով:
Ըստ Informing-ի, գիտնականները հետազոտությունն անցկացրել են նորագույն էլեկտրոնային մանրադիտակի օգնությամբ, որով կարողացել են ուսումնասիրել շատ փոքր քարացած մնացորդները:
Արիզոնայում հայտնաբերված կենդանիների մնացորդների վրա հետազոտողները 15-35 մմ-անոց բացվածքներ են գտել, որոնք մատնանշում են վամպիր-ամեոբաների ներթափանցումը:
Հետագայում մասնագետները ծրագրում են պարզել, թե ինչպես է թթվածինն ազդել այդ ամեոբաների կենսագործունեության եւ որս անելու նրանց ունակության վրա: