«Հյուսիսային հոսք 2» գազատարի օպերատոր ընկերության՝ Nord Stream 2-ի ֆինանսական տնօրեն Փոլ Կորկորանը տեղեկացրել է, որ նախագծում կապիտալ ներդրումները գնահատվում են 8 մլրդ եվրո:
Ըստ ՌԻԱ Նովոստիի, որպես գլխավոր մրցակցային առավելություն նա նշել է գազի փոխադրման գինը. այն 50%-ով ավելի էժան կլինի, քան Ուկրաինայի տարածքով տարանցման դեպքում:
Սանկտ Պետերբուրգում մամուլի ասուլիսի ժամանակ նա նշել է, որ նախագիծը կիրականացվի ինչպես բաժնետերերի փողերով, այնպես էլ փոխառված միջոցներով:
Ավելի վաղ «Գազպրոմ»-ի ղեկավար Ալեքսեյ Միլլերը «Հյուսիսային հոսք 2»-ի իրականացման ծախսերը գնահատել էր 9.9 մլրդ եվրո: