2016 թվականի առաջին մի քանի ամիսների տվյալներով՝ ԱՄՆ-ում ամենաշատ վաճառվող մեխանիկական փոխանցման տուփով ավտոմեքենաները 2500 եւ 3500 տարբերակի RAM փիքափերն են: Վարկանիշը կազմել է Cnet-ը:
Վարկանիշի առաջին տեղում Honda Civic-ն է. RAM 2500-ների եւ 3500-ների մեծ մասը պատվիրում են ընկերությունները, իսկ վարկանիշի հեղինակները ցանկացել են կենտրոնանալ ֆիզիկական անձանց վաճառքի ուղղությամբ:
Ըստ Motor-ի, վաճառված մեքենաների թիվն ու վիճակագրական տվյալների աղբյուրը հայտնի չեն: Հոդվածի հեղինակները նշում են, որ ԱՄՆ-ում մեխանիկական փոխանցման տուփով մեքենաներն ընդհանուր վաճառքի ցուցանիշում միայն 10% են կազմում:
Հյուսիսային Ամերիկայում 2015 թվականի լավագույն մեքենաներ են ճանաչվել Chevrolet Corvette Stingray-ը եւ Chevrolet Silverado-ն, իսկ վատագույն մեքենաները, Consumer Reports-ի վարկանիշով, Toyota Yaris-ը, Scion tS-ը, Mitsubishi i-MiEV-ը, Mitsubishi Mirage-ը եւ Jeep Wrangler Unlimited-ն են:
